www.hatortxurock.org


	Lehenengo urtean Berriozarreko frontoian ospatu zen kontzertua, eta bertan 3000 lagun baino gehiago bildu ginen. Hasiera guztiak zailak izan arren, nahiko ongi irten zitzaigun dena. Hori bai, edaririk gabe gelditzearena gau hartako anekdota izan zen. Jaialdia Abenduaren 25ean ospatu zen, larunbatarekin.
	_____________________________________________
	Bigarren urtean leku berean eta berriro ere ia jende kopuru berdinarekin egin genuen. Azken uneko aldaketak egon ziren, Gorka Berri Txarrak istripua izan ondoren. Aukeratutako data Abenduaren izan zen
	_____________________________________________
	Hirugarren Hatortxu oztopoz beterik inguratua egon zen. Haibat udalen ezezkoa eta gero, Anaitasuna kiroldegian ospatzea erabaki genuen. Aurreko edizioetan baina haundiago zen kartela, eta horrek eragina izan zuen etorritako jende kopuruari begira. Ikusleen artean, estatuko beste herrien ordezkari batzuk ikusten hasi ziren, Aragoi edo Catalunya, esate baterako.
	_____________________________________________
	4. Iruñerrian aproposak ziren leku guztietan arazo eta traba haundiak jartzen zizkigutenez, karpa montatzera ausartu ginen. Dena dela Uharteko herriaren laguntza ezinbestekoa izan zen aurrera egin ahal izateko. Oso ongi irten zen, 5000 pertsona inguruk gozatu zuten ekitaldiaz, non 7 taldek berotu zuten giroa. Beraien artean Baldin bada, bereziki hatortxurentzako elkartu zirenak. Promozioari lagunduz, bideo eta kamiseta bat ere atera genituen.
	_____________________________________________
	Bostgarren Hatortxu, berriz ere Uharte- Iruñean egin zen berriro, eta benetan arrakastatsua izan zen. 5000 lagun inguruk bete zuten inoiz baino haundiago zen karpa. Taldeei dagokienez, 7 pasatu ziren eskenatokitik. Ken 7 hasi eta Trikidantzek bukatu zuen arte, aipagarriena Hamlet madrildarren presentzia izan zen, baina guztien gainetik eta jende askorentzat gau hartako sorpresarik haundiena The Bon Scott Band talde kataluniarraren emanaldia izan zen, AC/DC talde mitikoaren bertsioekin. Kartela osatuz Flitter eta dagoeneko Hatortxuren “klasikoak” bihurtu diren Betagarri, Su ta Gar eta Berri Txarrak aurkitzen genituen.
	_____________________________________________
	Hatortxu 6ko zoritxarrezko protagonista haundienak elurra eta eguraldi txarra izan ziren. Iruñaruntz zetorren jende askok buelta eman behar izan zuen, haien artean kontzertuan parte hartu behar zuten abeslari batzuk: Alaitz eta Maider, Iñigito Txapela eta Xabi Urtz. Eta beste jende asko, logikoa denez, ez zen animatu kotxea hartzera gau hartan. Hala eta guztiz ere, 3000 lagun inguruk ikusi ahal izan zuten orain arteko Hatortxurik politena eta hunkigarriena (gure ustetan, behintzat). Bertsioen momentua beroena izan zen, Koma eta Betagarrirekin batera 15 euskal abeslari ezagunek 19 kanta egin zituzten. Gau historiko hura bukatzeko, Parabellum eta La Leñera taldeak eszenatoki gainera igo ziren.
	_____________________________________________
	Hatortxu 7 orain arteko arrakastasuena izan zen. Milaka lagun etorri ziren euskal herria osotik, baita kanpotik ere. Etsaiak taldearen buelta aipagarriena zen kartelari dagokionez. Bigarren karpa bat montatu genuen, DJ Elepuntorekin festa egunsentirarte luzatzeko.Baina berririk txarrena gazte baten istripua izan zen.Raul Gallego, "Gusa", Nok taldeko gitarrajoleak eszenatokitik jausi eta zauri larriak sofritu zituen. Baliteke betirako gurpiladun aulkian geratzea. Gusari laguntzeko asmoz, 2006ko maiatzan 3 kontzertu antolatu ziren, informazioa www.gusarock.com gunean eskura dezakezue.
	_____________________________________________
	Zortzigarren edizioan marka guztiak hautsi ziren. Karpa erraldoia txiki geratu zen, eta ehundaka persona sarrerarik gabe geratu ziren, jaialdira ezin sartuz. Izugarrizko arrakasta lortu zen.Lleku askotatik etorritako jendeak gozatu ahal izan zuen SA, Gatibu, Habeas Corpus eta berriro eskenatoki gainera igotzen ziren Anestesia Eta Piperrakek emandako kontzertuekin. Jaia behar bezala amaitzeko, DJ Elepuntok animatu zuen goizaldea.